(ВИДЕО) Бура „коси“ во САД - загинаа пет лица
Објавено во: Свет 03 Март, 2018
Пет лица загинаа во бурата, која го зафати брегот на Атлантскиот Океан и североисточниот дел на САД. Бурата донесе ветрови со сила на ураган, дожд и снег, поради што е попречен сообраќајот, а повеќе од 1,6 милиони луѓе останаа без електрична енергија.
Жртвите настрадале кога врз нив паднале дрвја. Меѓу загинатите се две момчиња, 16-годишен од Вирџинија и 11-годишен од државата Њујорк, а дрвјата кое паѓало во налет на невремето усмрти и двајца мажи од Вирџинија и Њупорт, додека 77-годишна жена починала пред нејзината куќа во Балтимор.
Новата бура „Виндмагедон“, го погоди подрачјето од Северна Каролина до Мејн.
Авиокомпаниите во североисточниот дел на САД, откажаа повеќе од 2.800 летови, додека аеродромите во Њујорк речиси се во целосен застој.
Федералната влада на еден ден ги затвори сите канцеларии во областа Вашингтон.