ВИДЕО: ЧУДО ВО ТУРЦИЈА: 25 дена по земјотресот спасен е териер од под урнатините во Хатај, еве како преживеало
Објавено во: Свет 04 Март, 2023
Во турскиот град Хатај, еден од најтешко погодените од двата разорни земјотреси на 6 февруари, куче беше спасено од под урнатините дури 25 дена по земјотресот.
Екипи на АФАД и други служби работеле на отстранување на урнатините во Антакија, Хатај, кога слушнале глас од под една од урнатините, по што следела потрага. По успешната операција на екипите за пребарување и спасување, 25 дена по разорните земјотреси, од под урнатините успешно е извлечено куче териер. Утврдено е дека кучето успеало да најде храна под урнатините, каде било затворено и така преживеало. По извлекувањето од под урнатините, кучето е пренесено во ветеринарна амбуланта. При отстранување на урнатините на истата локација е пронајдено тело на лице за кое се претпоставува дека е сопственик на спасеното куче, јавува Н1. Во Турција и Сирија во земјотресите на 6 февруари загинаа повеќе од 50.000 луѓе, според податоците објавени од агенцијата Франс прес.
Miracle on 25th day of earthquakes: Dog rescued alive