(ВИДЕО) ДЕТЕ РАСКАЖА КАКО СЕ СЛУЧИЛА НЕСРЕЌАТА: Автобусот се подели на два дела
Објавено во: Балкан 21 Декември, 2018
Димитрије Јовановиќ е дете кое е полесно повредено во судирот на воз и автобус кој се случил утрово во селото Долно Меџурово кај Ниш, а во кој загинаа 5 луѓе, додека 30 се повредени.
Како што раскажа Јовановиќ, тој седел на задниот дел од автобусот кога дошло до страшниот удар.
„Го слушнав ударот кога автобусот се подели на два дела. Луѓето почнаа да викаат: "Нè удри воз", вели детето.
Неговиот татко Миодраг додал дека на овој премин барем еднаш во годината се случуваат несреќи.
Сите повредени се згрижени во КЦ Ниш, каде лекарите се борат за животите на повеќе од 10 лица со сериозно тешки повреди.
Четири повредени деца се згрижени на Детската клиника, а нивната состојба засега е непозната.
Причината за несреќата не е позната.
Инаку на пругата нема браници, но постојат знаци на вертикална друмска сигнализација.
Мештаните велат дека ова не е првпат да се случи несреќа, и веќе со години наназад бараат преминот преку пругата да се направи како што треба. Кај ова село, на три километри од градот нема рампа.