(ВИДЕО-ФОТО) Проектот „Белград на вода“ не е само сон
Објавено во: Балкан 27 Јуни, 2014 17:59
Премиерот на Србија Александар Вучиќ и инвеститорот од Обединетите Арапски Емирати Мухамед ел Абар денеска свечено ја отворија реновираната зграда на „Геозаводот“ и го претставија новиот план проект „Белград на вода“.
Вучиќ изјави дека овој проект представува една од петте најубави згради во Србија, која е обновена благодарение на инвеститорот од Обединетите Арапски Емирати.
Инвеститорот од Обединетите Арапски Емирати и се заблагодари на Владата на Србија и на укажаното поверение во неговата компанија и рече дека е задоволство да се работи во Србија.
Во текот на свеченото отворање, пред Железничката станица во Белград е поставено големо рекламно пано, на кое е прикажан „Белград на вода“ со пораката „Го славиме Белград“.
Имено, арапскиот партнер, компанијата „Игл хилс“, ќе вложи 3,1 милијарда долари во проектот на десниот брег на Сава, во Савскиот амфитеатар, и како што е најавено, ќе изгради околу два милиони квадрати станбено-работен простор.
Се очекува со работа да се почне во наредната градежна сезона, односно во февруари или март наредната 2015 година, а најпрво ќе бидат изградени кула од 210 метри и шопинг мол.
Во првата фаза се планира да бидат изградени и четири посебни згради-два хотела и две станбени единци.
Освен што ќе го промени изгледот на главниот град, проектот „Белград на вода“ ќе ја вработи градежната индустрија и голем број граѓани од целата земја.
Премиерот на Србија истакна дека проектот „Белград на вода“ е проект на цела Србија, кој ќе унапреди многу сектори, а посебно градежната индустрија.
Можеби ќе ве интересира
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии











