(ВИДЕО) ИМ НОСЕШЕ КИСЛОРОД, А НЕМАЛ ЗА СЕБЕ: Ова е херојот кој издиша додека им помагаше на заробените момчиња во пештерата

Добивај вести на Viber

Самам Кунан, нуркачот кој учествуваше во акцијата за спасување на децата заробени во пештерата на Тајланд , почина бидејќи остана без воздух под вода.

Кунан , доброволно се пријавил да волонтира и да им помага во спасувањето на 12 момчиња и нивниот тренер, а починал кога се враќал во командниот центар бидејќи доставувал боци со кислород. 

Се работи за поранешен тајландски морнарички нуркач, врвно обучен.

-Во пештерата е тешко. На патот од пештерата тој се удавил. Неговиот колега се обидел да му пружи прва помош но не успеал. Кога го извлековме повторно се обидовме да го спасиме, но не реагираше , а потоа го префрливме во болница“, изјавил командирот на тајландските морнарички фоки Арпак Јуконгку.

RIP
Ex-Seal Petty Officer 1 Saman Kunan, who died while diving his way back from placing air canisters in #ThamLuang cave. pic.twitter.com/vFQT8I9daY

— Bangkok Post (@BangkokPostNews) July 6, 2018

Тој додал и дека операцијата на спасување ќе продолжи.

Во акција на спасување на момчињата се вклучени 1000 лица, а меѓу нив се и нуркачи, воен персонал и волонтери.

Претставници рекле и дека загрижува тоа што нивото на кислород во комората на пештерата се намалува, во која се наоѓаат момчињата.

Засега сите се во добра состојба и редовно им се доставува храна и лекови.

Потсетуваме, 12 момчиња и нивниот тренер се наоѓаат скоро 2 недели во пештерата, а спасувачите наведуваа дека водат битка со времето за да ги спасат што поскоро, бидејќи за викендот се најавуваат нови дождови.