(ВИДЕО) ИРАН СЕ ОДМАЗДУВА: Нападнаа американски бази

Добивај вести на Viber

Иран вечерва објави дека ги нападнал американските сили во воздушната база Ал-Удеид во Катар, откако новинските агенции „Ројтерс“ и „АФП“ објавија дека се слушаат експлозии над Доха. 

„Ова е моќен и успешен одговор од иранските вооружени сили на агресијата на Америка“, објави Иран.

Иранската револуционерна гарда кажа дека лансирала проектили и кон американска воена база во Ирак.

Катар претходно донесе одлука за затворање на својот воздушен простор поради „веродостојна закана“ дека ќе биде нападнат Коалицискиот центар за воздушни операции во Ал-Удеид, најголемата американска воена база на Блиски Исток, во која живеат околу 8.000 американски граѓани. Американската амбасада во Катар претходно ги предупреди своите граѓани да се засолнат до натамошно известување.

Ден претходно, САД ги бомбардираа трите ирански нуклеарни постројки, за што Иран вети дека ќе се одмазди.

Иранците се заканија дека 50.000 американски војници ќе бидат испратени дома во ковчези. 

Прво Израел, а потоа и САД го нападнаа Иран. Израел тврди дека ако Иран направи нуклеарно оружје, тоа ќе биде закана за нив. 

Multiple interceptors seen leaving Qatar during the Iranian ballistic missile attack against U.S. Al Udeid Air Base. pic.twitter.com/z8QMsjE67W

— OSINTdefender (@sentdefender) June 23, 2025