(ВИДЕО) Истанбулскиот градоначалник на босански му порача на Ердоган дека нема да добие уште еден мандат

Добивај вести на Viber

Истанбулскиот градоначалник Екрем Имамоглу, пред вториот круг од претседателските избори во Турција упати порака до актуелниот претседател Реџеп Таип Ердоган на босански јазик. Му порача на Ердоган дека нема да добие уште еден мандат.

Both Erdogan's alliance and opposition do everything to attract Turkish Balkan diaspora's vote.

In this video, Istanbul Mayor Imamoglu even speaks in Bosnian in Yildirim, a Bosniak getto.

"Ee Vala Nećeš Tajip"

"I swear Tayyip, You will not [win]" pic.twitter.com/cp1ulSo62k

— Hamdi Fırat Büyük (@HFiratBuyuk) May 26, 2023

Во Турција утре ја чека вториот круг од претседателските избори. Ердоган од владејачката Партија на правдата и развојот (АКП) ќе се соочи со Кемал Киличдароглу од Републиканската народна партија (ЦХП). Имамоглу изминативе денови активно се вклучи во предизборната кампања во Истанбул. Тој го посети и предградието Бајрампаш, каде во најголем дел живеат Бошњаци.

„Со трпение и насмевка ќе ја убедиме околината и ќе ја одведеме до гласачката кутија. Нема да оставиме ниту еден човек зад себе“, рече Имамоглу.

Ердоган во првиот круг од изборите пред две недели освои 49,5 отсто од гласовите, а Киличдароглу 44,9 отсто. Ердоган доби критики поради справувањето со катастрофалните земјотреси, инфлацијата, а неговиот ривал ветува дека сириските бегалци ќе ги врати дома. Турција има намера да ги врати сириските бегалци кои се наоѓаат во земјата. Министерот за надворешни работи, Мевлут Чавушоглу, го потврди ова во интервју за турската телевизија НТВ.

Ердоган ги повика граѓаните да гласаат, а неговиот противник повика да ја извлечат Турција од темната јама.