(ВИДЕО) ЈАЈЦАТА ПОСКАПЕА: Русите чекаат во редици
Објавено во: Свет 14 Декември, 2023
Пред празниците има поскапувања во Русија.
Просечната цена на јајцата во Русија во ноември се зголемила за 40,29 отсто на годишно ниво, покажуваат податоците на руската Федерална државна служба за статистика (Росстат). Остриот пораст на цените на јајцата резултираше со необични сцени во регионот на Белгород каде луѓето чекаа во редици за јајца на земјоделски саем.
Поради инфлацијата, цените на храната значително се зголемија, а граѓаните стојат во долги редици со надеж дека зимава ќе добијат неколку десетици јајца. Руските граѓани тешко наоѓаат основна храна за секое домаќинство, особено пред празниците.
Луѓето велат дека она што се случува со цените на јајцата е страшно.„Порано плаќав 70 рубли за десетина јајца, но сега тие чинат двојно поскапо, меѓу 130 и 140 рубли“, изјави за AFP 21-годишниот студент Илја Зарубин. За 1 евро можете да добиете 100 рубли.
Федералната служба за ветеринарен и фитосанитарен надзор (Роселхознадзор) во петокот одобри увоз на јајца од Турција, а руското Министерство за земјоделство предлага шестмесечна забрана за извоз на јајца.
Поради инвазијата на Украина, Русија е под санкции. Имаше и неколку драматични падови на рубљата.
Видеото можете да го видите тука.