Видео кое ги разгневи мрежите - Бездомник избркан со полиција од McDonalds
Објавено во: Свет 02 Март, 2018
Посетител на ресторанот McDonalds во Јужна Каролина САД, решил да повика еден бездомник кој бил надвор на ладното со цел да му купи еден оброк и барем за кратко да му овозможи да се стопли.
Сепак, ваката постапка не била одобрена од страна на менаџментот на ресторанот кои најпрво влегле во вербална расправа со посетителот Јоси Гало, а потоа била повикана и полицијата да интервенира.
Менаџерот сметал дека Гало како и бездомникот дека се однесуваат несоодветно и одбил да ги послужи. Гало го сними инцидентот во кој учествуваше и една полицајка која по барање на менаџментот ги отстрани од ресторанот.
Видеото набрзо стана „вирално“ на социјалните мрежи со над 60 милиони прегледи. Фејсбук страницата на ресторанот McDonalds била преплавена со негативни оценки и коментари за ваквото нечовечно постапување.