Добивај вести на Viber
Италијанската полиција објави видео од апсењето на Масимо Карминати, кој се смета за шеф на италијанската мафијашка организација „Мафија Капитале“.
Полицијата го сомничи Карминати дека бил на чело на криминална банда која поткупувала политичари за подоцна да изнудуваат пари или да добиваат зделки на вредни јавни тендери.
Снимката покажува како полициски автомобил подготвува и изведува заседа во една тесна уличка надвор од Рим. Автомобилот му пришол на Карминати во обратна насока и му го блокирал патот, карабинерите излегле со вперено оружје, а осомничениот криминалец не дал отпор.
Истрагата која довела до апсење на Карминати траела цели две години, а вклучувала надзор и прислушкување на телефонски разговори, преку кои било откриено како локалните криминалци создавале цврсти врски со политичарите.
Италијанската полиција ја обвини „Мафија Капитале“ за подигање на цените во градинарските услуги, социјалните станови, камповите за бегалци, одржување на сообраќајници и собирање на отпадот.
Освен Карминати се уапсени уште 36 лица, а градоначалникот на Рим Џани Алемано си поднесе оставка на функцијата. Во операцијата биле запленети и 204 милиони евра во пари и имот.
[embed]http://www.youtube.com/watch?v=KKxNX68Q8bo#t=65[/embed]