(ВИДЕО) НАУЧНА РЕВОЛУЦИЈА: Ги контролира вештачките раце со мисли

Добивај вести на Viber

Лес Бау од Колорадо ги изгубил двете свои раце во несреќа со струја пред повеќе од 40 години. Сепак експертите заедно од универзитетот Џон Хопкинс и Одбрамбената агенција за напредни истражувања и проекти му ја вратија не само насмевката туку и способноста после повеќе децении повторно сам да управува со своите раце. Со помош на применета физика, Лес е во состојба во која со својот мозок може да контролира протетички раце, а се што треба да направи е само да размислува на движењата и рацете ќе ги следат неговите мисли. Леси носи опрема наречена „socket“ која ги спојува протетичките раце со неговото тело, односно ништо не е трајно поврзано за него. Со помош на оваа техника, истражувачите мереле на кој начин неговите мускули и нерви реагираат кога размислува на движење на рацете. Набрзо потоа кога тој ќе помислел раката да се придвижи кон лево или десно, да ја постави во одредена положба, или да дофати нешто, протетичките раце ги исполнувале неговите желби. Мажот од Колорадо е првиот на кого двете раце му се ампутирани над лакти и кој носи две протетички раце одеднаш поради што истражувачите му посветиле големо внимание. Тој поминува многу време во вежбање за да исполни различни задачи. „Можеби ќе бидам во можност  во иднина да вметнам пари во автомат и да си извлечам чоколада или сок од него. Тоа се наједноставните работи на кои поголем дел од луѓето никогаш не размислуваат“, истакнал Лес. Тој моментално може да ги користи рацете само во лабораториски услови, но еден ден ќе има и свои сопствени. „Само што почнавме со развојот на оваа техника. Се чуствуваме како во првите денови на интернетот. Пред нас е огромен потенцијал и мислам дека во наредните пет години ќе постигнеме навистина феноменален напредок“, истакнал Мајк МекЛефин, истражувач од универзитетот Џон Хопкинс. [embed]http://www.youtube.com/watch?v=9NOncx2jU0Q[/embed]