(ВИДЕО) НЕВЕРОЈАТНИОТ ОКЕАНСКИ ЖИВОТ НА ДЛАБОЧИНА ОД 1.000 МЕТРИ
Објавено во: Свет 09 Март, 2018
Телевизиската емисија „Планета Земја“ е позната по прекрасните снимки на природата.
Овој пат, истражувачки тим со најмодерната подморница се нурна на длабочина од 1000 метри во Јужниот океан.
Во новата епизода снимена за Би-Би-Си, истражувачите го снимија океанскиот живот и биолошката разноликост на коралните гребени. Водичот на тимот, Марк „Бак“ Тејлор рекол дека подморницата може да се нурне до речиси еден километар длабочина.
Видливоста од подморницата била одлична.
„Никој од нас не очекуваше нешто претерано, но останавме запрепастени од животот кој го пронајдовме во длабочините на Јужниот океан“, рече Тејлор и даде интересно споредување-на еден квадратен метар во Јужниот океан има повеќе живот отколку на Големиот корален гребен во Австралија, што е најголемиот во светот.