(ВИДЕО) ОСМАНИ СО ВИДЕО ОБРАЌАЊЕ ДО ТИМОНИЕ: Што бара од амбасадорот?
Објавено во: Македонија 19 Март, 2018
Вицепремиерот за европски прашања, Бујар Османи со видео порака на француски јазик на својот Фејсбук профил му се обрати на францускиот амбасадор, Кристијан Тимоние за неговите забелешки околу носењето на Законот за употреба на јазиците.
„Целта на овој закон не беше триумфализам на Албанците во Македонија туку вистинска шанса за изградба на граѓанско мултикултурно општество. И носењето на овој закон е пораз за никого, туку придобивка, и не носи загуба за никој“- вели Османи.
Османи истакнува дека на патот кон ЕУ интеграциите, неговите совети се добредојдени, но пред се неговата поддршка и помош.
Амбасадорот Тимоние му одговори на Твитер.
„Ви благодарам господине вицепремиер за вашиот искрен и аргументиран одговор, на француски јазик, што искрено многу ми значи. Сметајте секогаш на поддршката од Франција на вашиот пат кон Брисел. Ви посакувам демократска дебата во мирна атмосфера“ - напиша Тимоние.
Тимоние повеќе пати кажа дека Македонија има други реформски приоритети, а Законот за јазици не е еден од нив, и не е дел од европската агенда.
Минатата недела Тимоние изјави дека Законот е донесен на скандалозен начин, без консензус и цивилизирана дискусија и дека состојбата била разочарувачка.