(ВИДЕО) Откриена причината заради која се урна хрватскиот воен авион

Добивај вести на Viber

Дефект на трапот за сопирање најверојатно е причина за уривањето на авионот МИГ на хрватското воено воздухопловство денеска. Во инцидентот пилотот на авионот успеал да се спаси така што се катапултирал. Станува збор за авион кој не бил на последниот сервис на хрватските воени авиони во Украина и бил сервисиран последен пат пред 12 години. Откако откажала хидрауликата во трапот за сопирање, моторот на авионот се запалил.Пилотот можел единствено да се катапултира, но претходно се обидел да го пренасочи авионот кон ненаселено место. Сепак делови од авионот паднале во дворови на семејни куќи. Исто така, тој направил уште неколку круга за да потроши што повеќе гориво, за штетата од експлозијата на земја да биде помала. http://www.youtube.com/watch?v=WUD1ojGNYjM „Станува збор за авион на кого временскиот ресурс практично му е истечен. Ова не требаше да биде негов последен лет, но факт е дека овој авион беше оставен во употреба само затоа што доцнеа оние авиони кои беа на ремонт во Украина, инаку не би бил“, вели заповедникот на хрватското военов воздухопловство Дражен Шчури. Во моментот на откажувањето, авионот се наоѓал на висина од 500 метри и возел со брзина од 400 километри на час, а му биле потребни само 15 секунди за да слета. Хрватската војска и дополнително ќе ги истражува причините заради кои откажал авионот и евентуалната одговорност. Само неколку часа претходно тој учествувал во парадата и свеченото прелетување на Книн, во чест на хрватскиот Ден на победата и годишнината од акцијата „Бура“.