(ВИДЕО) ОВА Е ЧУДO: Дете е спасено по 13 часа во канализација
Објавено во: Свет 03 Април, 2018
Тринаесетгодишното момче Џеси Хернандес, во канализациска цевка во Лос Анџелес, поминало скоро 13 часа.
Хернандес, додека си играл со другите деца во една напуштена зграда, пропаднал низ дрвена даска на длабочина од осум метри и завршил во токсичен подземен лавиринт на градскиот канализациски систем.
Незгодата се случила во недела попладне. Децата веднаш ги известиле возрасните кои повикале брза помош, а спасувачите со камери го барале низ канализациските цевки.
Во текот на потрагата повеќе од 100 пожарникари истражувале 730 метри цевки лавиринт од канализациониот систем со различна длабочина на вода, која се движи 24 километри на час.
Спасувачите не можеле да влезат во системот поради опасното опкружување поради што користеле камерата.
Го пронашле детето кога виделе слики од отпечатоци од прсти на една од цевките по што на таа локација ја отвориле шахтата.
Детето е пронајдено на околу еден и пол километар од местото каде што пропаднало, на длабочина од три метри и извлечено било со помош на црева, пренесува АП.