(ВИДЕО) По 12 години поп иконата Тоше Проески добива достојно почивалиште
Објавено во: Македонија 16 Август, 2019
По 12 години, мега ѕвездата Тоше Проески добива достојно почивалиште.
Општина Крушево го објави тендерот за изградба на спомен обележјето на Тоше Проески, a градоначалникот на Oпштина Крушево, Томе Христоски, изрази задоволство што после години на непреземање ништо, конечно ќе биде изградено гробното место.
„Со години не се поместувало ништо за нашиот сограѓанин и поп икона, но еве денес, благодарение на владата, го објавуваме тендерот за изградба на вечното почивалиште, со што конечно ќе почнеме да го градиме гробното место на Тоше. Конечно нашиот Тоше ќе има достоинствено спомен обележје.“, изјави градоначалникот Христоски.
Изградбата на споменикот на македонската музичка икона се проценува дека ќе изнесува околу 150 илјади евра, а средствата се обезбедени од државниот буџет.