(ВИДЕО) ПОДМЕТНАТ ПОЖАР: До темел изгоре џамија во јужна Шведска
Објавено во: Свет 26 Септември, 2017
Пожар изби во џамија во Шведска.
Џамија во јужниот град Оребро изгоре до темел, а полицијата случајот го води како намерно подметнат пожар.
Пожарникарите пристигнале на лице место во два часот наутро, но било доцна затоа што огнот веќе го зафатил целиот објект.
Во пожарот никој не е повреден, а откриените докази укажуваат дека пожарот е подметнат.
Џамијата во Оребро, која имаше простор за околу 250 верници, е изградена во 2007 година во делот од градот кој се вика Вивала и каде живеат главно муслимани со потекло од различни земји.
Со емигрантската криза во Шведска пристигнаа голем број емигранти, а со тоа пораснаа и антиемигрантските чувства. Во јануари пожар направи голема штета на џамија во близина на Стокхолм, а во октомври Сириец беше уапсен за подметнување пожар во шиитска соба за молење во југозападниот град Малме.