(ВИДЕО) ПОЛИЦИЈАТА ГО УАПСИ ИЛИР МЕТА: Го тегнат од лимузината, а тој се противи

Добивај вести на Viber

Полицијата во Албанија го уапси екс претседателот Илир Мета. 

На снимка се гледа како го влечат од лимузината, а тој се противи.  Го уапсија на влезот во Тирана додека се движел кон местото каде што требало да одржи прес конференција, а според информациите, најверојатно е уапсен поради случајот со кој бил поврзан за корупција и одбивање да пријави имот, јавува Јуронуз Албанија.

Адвокатот на Мета се повика на снимката прикажана од локалните медиуми на која се гледа како маскираната полиција запира црн автомобил и го изнесува Мета, кој изгледа како да дава отпор. Веста ја потврди и поранешниот премиер Сали Бериша, кој тврди дека се работи за политичко апсење.

„Политичкиот прогон на Илир Мета е политички, политички и само политички. Тие не објавија никакви факти, ниту документи, но ги извршија наредбите на (албанскиот премиер) Еди Рама, кој со сите средства се обиде политички да го елиминира Илир Мета, а можеби и физички. Еди Рама, како што јас го осудив во минатото, е вмешан во исчезнувањето на лица на незаконски, противуставен начин“, објасни Бериша.

Мета претходно беше повикан од СПАК во Обвинителството, поради случајот ЧЕЗ ДИА, кој се однесува на имотна истрага и лобирање. Претходно австрискиот весник „Кронен цајтунг“ објави дека Илир Мета и ЛСИ (сега Партија на слободата) платиле 700.000 долари за лобирање во САД. Случајот ЧЕЗ ДИА потекнува од 2009 година, а девет приватни фирми добиле 12 милиони долари од ЧЕЗ од договорот за наплата на неплатени долгови. Најголем дел од средствата добил „Дебт Интернационал Менаџмент“ со администратор Кастриот Исмаили.

Портпаролот на Партијата за слобода, Теди Блуши, апсењето на Мета го нарече „неодговорен чин“, велејќи дека СПАК со овие постапки се обидува да ја „елиминира опозицијата“.

Albania's former president and prime minister, Ilir Meta, was arrested today.

Meta is the leader of the Freedom Party, the third-largest in Albania.

With Meta’s arrest, all major opposition leaders, including the Democratic Party’s Sali Berisha, have now been arrested. pic.twitter.com/yKDYZS7vHY

— kos_data (@kos_data) October 21, 2024