(ВИДЕО) ПУТИН: Југословенското сценарио не им успеа во Русија!

Добивај вести на Viber

Рускиот претседател Владимир Путин денеска го одржа своето традиционално обраќање пред рускиот Парламент и изнесе сериозни обвинувања дека „противниците се посилно ја напаѓаат Русија кога таа се повлекува и оправдува за своите постапки“. Истовремено, тој додаде дека во светот постојат сили кои сакаат да ја видат Русија распарчена „по југословенското сценарио“. „Со задоволство би не пуштиле по југословенското сценарио на распад и поделба со сите трагични последици што тоа би ги донело за рускиот народ. Но не се случи тоа. Не дозволивме“, рече Путин, нагласувајќи дека Русија не му го дозволива тоа своевремно ниту на Хитлер. Рускиот претседател им се заблагодари на граѓаните за нивната солидарност у поддршка во моменти во кои се решава иднината на земјата и притоа нагласи дека „разговорот со Русија од позиција на сила е бесмислен“. Путин верува дека политиката зауздување на Русија не е смислена од вчера, туку дека се спроведува секогаш кога некој смета дека оваа земја станува премногу самостојна. Очекувано, во својот говор, тој не ги одмина ниту западните санкции кон Москва, за кои вели дека се штетни за сите, па и за оние што ги воведуваат. „Русија нема намера да ги урива односите со Европа и Америка“, категоричен е Путин. Обединувањето на Крим и Севастопол со руската територија го нарече историско, со оглед на тоа што Крим за Русија има огромно цивилизациско и сакрално значење. Овој традиционален говор за состојбата на нацијата е настап на кој рускиот претседател ги изнесува ставовите за основните правци на руската политика, не само во претстојната година, туку и во иднина. Ова е 11-то обраќање на Путин во ова својство, а во Кремљ неговиот говор денеска го следеа повеќе од 1.000 гости - пратеници од двата дома на рускиот Парламент, членови на Владата, раководители на Уставниот и Врховниот суд, претставници на локалните власти и на верските заедници во Русија, првите луѓе на водечките медиуми и општествени и јавни работници. „Ние немаме намера да влегуваме во скапа трка со вооружување, но притоа сигурно и гарантирано ќе ја обезбедиме одбранбената способност на нашата држава во новите услови. Тоа ќе биде направено. За тоа постојат можности и за нестандардни решенија“, најави Путин. http://www.youtube.com/watch?v=WHkrJxGXRho