(ВИДЕО) ШОК ОДЛУКА: Тереза Меј одбра датум за парламентарни избори
Објавено во: Свет 18 Април, 2017
Британската премиерка Тереза Меј соопштила денеска дека ќе бара на 8 јуни да се рапишат вонредни парламентарни избори.
„Само што претседавав со состанокот на кабинетот каде се сложивме дека владата треба да распише општи избори за 8 јуни“, рекла Меј на изненадувачка прес конференција за медиумите пред Даунинг стрит.
Меј рекла дека во Вестминстер е потребно единство, а не поделби. Премиерката предупредила дека „поделбите во Вестминстер ја ризикуваат способноста од Брегзит да направи успех“, пренесуваат агенциите.
„Ни требаат општи избори и ни требаат сега. Во овој момент имаме единствена шанса да ги имаме...пред да почнат деталните преговори“, рекла таа.
Премиерката навела дека политичките противници грешат ако мислат дека Британија ќе го промени курсот кога се работи за Брезгит.