(ВИДЕО) Снимка од дрон ја покажува ужасната слика по разорното цунами
Објавено во: Свет 23 Декември, 2018
Снимки направени со дрон покажуваат каков пустош остана во Индонезија по цунамито кое ја погоди земјата.
Тој се појавил како последица на вулканска актвиност предизвикана од подводно свлечиште меѓу островите Јава и Суматра.
Во ударот на цунамито, повеќе од 220 луѓе загинаа, а над 840 се повредени по ударот на цунами на крајбрежните области меѓу Суматра и Јава.
Спасувачките тимови во Индонезија секоја минута наоѓаат безживотни тела.
Претседателот на Индонезија, Јоко Видодо вели дека бројот на настраданите ќе расте.
„Во овој период од годинава има многу туристи. Задутре е Божик, но за жал се случи оваа природна катастрофа. Сега луѓето се исплашени, локалното население од страв не се враќа дома, хотелите се испразнети. Сите доброволно заминуваат во привремените центри за згрижување“, изјави Аулиа Ариани од Црвениот крст на Индонезија.
Агенцијата за справување со катастрофи упати предупредување до луѓето да го одбегнуваат крајбрежјето поради страв од ново цунами.
На социјалните мрежи се појави снимка кога огромен бран го сружи шаторот во кој се одржуваше концертот на групата Севентин.
Папата Франциск ги повика верниците на заедничка молитва за настраданите во Индонезија. Локалните медиуми објавија дека пред цунамито немало никакво предупредување.