(ВИДЕО) СВЕТОТ СЕ СЕЌАВА: Деценија од цунамито во Индонезија кое однесе 230.000 животи

Добивај вести на Viber

На денешен ден пред 10 години во страшен земјотрес и цунами загинаа повеќе од 230.000 лица.

Во Индонезија и другите земји кои излегуваат на Индискиот океан се одржуваат комеморативни собири за настраданите.

Земјотрес со јачина од 9,1 степен по Рихтеровата скала предизвикал серија цунамија во цел Индиски океан од Суматра до Сомалија. Тој 26 декември 2004 година загинале повеќе од 230 000 луѓе во 14 земји а најмногу во Индонезија, додека вкупната направена ѓтета се проценува на десет милијарди долари.

Тресењето се почуствувало и 1600 км од епицентарот кој бил на дното на Индискиот океан кај Суматра, а силните бранови ги погодиле и Шри Ланка, Индија, Тајланд, Сомалија, Бурма, Малдиви, Малезија, Танзанија, Сејшел, Бангладеш, Јужна Африка, Јемен, Кенија и Мадагаскар.

Тоа бил третиот најсилен земјотрес некогас регистриран и траел речиси 10 минути.

Најмногу погоден бил регионот Аче, индонежиската провинција на северот од островот Суматра каде од последиците на силните бранови од кои некои биле виски дури 30 метри, загинале околу 130.000 луѓе, додека повеќе од пола милион граѓани се раселени, потсетуваат агенциите. Градот Банда Аче, седиште на споменатата провинција, кој е целосно уништен во таа катастрофа, сега е обновен.

На Шри Ланка загинале повеќе од 30 000 лица, на Тајланд 5935 од кои половината биле странски туристи.

Десетгодишницата од трагедијата ќе биде одбележана и во Шри Ланка на местото каде цунамито однело воз со 1500 лица како и во повеќе европски престолнини, пренесува АФП.