(ВИДЕО) УРАГАНОТ ИРМА УНИШТИ ВАЖЕН ОБЈЕКТ: Ќе се спаси ли вилата на Трамп?
Објавено во: Свет 06 Септември, 2017
Францускиот министер за внатрешни работи, Жерар Колом денеска изјави дека на островот Свети Мартин уништена е зградата на француската Влада поради ураганот Ирма.
„Уништени се четирите најцврсти згради на островот Свети Мартин, што значи дека најверојатно настрадале и други послеби објекти“ - вели Колом.
Ураганот направи голема штета и поплави на Карипските Острови.
На островот во прекин е снабдувањето со електрична енергија, додека на Свети Бартоломеј, каде живеат околу 9.000 луѓе, ураганот ги попречува комуникациите.
Во францускиот дел на Свети Мартин живеат околу 40.000 луѓе, исто колку и на холандската страна од островот.
Meдиумите пишуваа дека може да биде уништена и вилата на американскиот претседател, Доналд Трамп.
Ураганот Ирма прерасна во петта категорија, а брзината на ветерот достигна до 300 километри на час. Ова е најсилен ураган во последните десет години на Свети Мартин.
Поради ураганот прогласена е вонредна состојба во Флорида, во Порторико и на Девствените Острови, а властите на Бахами објавија дека најверојатно ќе ги евакуираат жителите од шесте јужни острови.