Виктор Орбан ветува: Ќе го изградиме Јужен тек!
Објавено во: Балкан 01 Јули, 2014 19:00
Унгарскиот премиер Виктор Орбан, кој денеска престојува во посета на Белград, нагласи дека и неговата земја е исклучително заинтересирана за изградбата на клучниот гасовод Јужен тек.
„Ќе го изградиме Јужен тек и во таа намера мора да истраеме“, изјави Орбан, изразувајќи ја подготвеноста на неговата земја, и покрај спротивставувањето на ЕУ, да продолжи со изградбата на гасоводот на своја територија.
Според Орбан, никој нема право на една држава да и го одземе правото за енергетска безбедност, а сите кои се спротивставуваат на изградбата на гасоводот мора да обезбедат алтернатива за снабдување со енергенси.
Унгарскиот премиер нагласува дека неговата земја ја поддржува Украина, но дека не сака енергетски да зависи од таа земја, бидејќи има обврска кон своите граѓани да им обезбеди енергетска стабилност.
Српскиот премиер Александар Вучиќ, кој се сретна со Орбан, најави дека за гасоводот Јужен тек ќе разговара со рускиот претседател Владимир Путин и премиерот Дмитриј Медведев во текот на претстојната посета на Русија.
„Ќе гледаме колку што е возможно да ги усогласиме работите со Европската унија, но ќе водиме сметка за интересите на Србија“, рече и Вучиќ.
Можеби ќе ве интересира
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
