ВИНОВНА Е ЛИРАТА: Една инвестиција на Балканот пропадна
Објавено во: Финансии, Балкан 22 Август, 2018
Купување на словенечката Фабрика за батерии (ТАБ) од Межица не е направено, иако е планирано.
Ова пропадна поради флуктуацијата на јужноафриканскиот ранд и турската лира.
Директорот на ТАБ, Богомир Ауприх, потврди за љубљански „Дневник” дека разговорите со „Метаир инвестментс лимитед” од Јужна Африка беа прекинати, објави Б92.
„Високата нестабилност и падот на вредноста на турската лира и јужноафриканскиот ранд, најважните валути за ‘Метаир’, како и зголемените трошоци за финансирање на двата пазари, се објективни околности што го отежнуваат остварувањето на стратешките врски. Поради сегашната финансиска нестабилност во Јужна Африка, ‘Метаир’ сака да се фокусира на деловното оптимизирање“- стои во објаснувањето, објави Б92.
Корушката компанија, чии приходи во последните две децении се зголемија околу десет пати, има намера да продолжи со потрагата по стратешки партнер, објави „Инвеститор“.
За турскиот претседател, Реџеп Таип Ердоган нападот на лирата е напад на знамето и на народот кој според него треба да се фрли на колена. Лирата паѓа поради заострените односи со САД.