Вистинска атракција, во Загреб слета најголемиот авион на светот

Добивај вести на Viber

Вечерва околу 18 часот на загрепскиот аеродром слета најголемиот авион на светот долг 86 метри и со распон на крилјата од 88 метри. За утре, поради голем интерес,  граѓаните ќе може да да посетат аеродромот и да го видат Антонов 225, единствен таков авион на светот. Во Загреб слета празен за во него да се натовари трансформаторот произведен во фабриката „Кончар-енергетски трансформатори“ тежок 210 тони. Авионот ќе се товари утре, за трансформаторот да одлета кај нарачателот од Филипините. Самиот трансформатор е вреден 1,7 милиони евра, а иако ваков товар ретко се носи со авион, нарачателот се одлучил на ваков чекор поради брзината на испораката. Превозот со авионот ќе трае два дена, а чини дури три милиони долари, пишуваат хрватските медиуми. Рокот за изработка на трансформаторот бил пет и пол месеци, но е скратен за 35 дена. Авионот може да превезува товар до 250 тони, но досега најголем товар што го превезол бил 189 тони.