10 Јануари, 2025
0.0482

Владата го раскинува договорот со „Сархемс“, контроверзниот милионски проект нема да се реализира

Објавено во: Економија 10 Декември, 2020

Добивај вести на Viber

Владата го раскинува договорот за јавно-приватно партнерство кој се потпиша под контроверзни и нејасни околности со „Сархемс“, компанијата регистрирана во Македонија за хеликоптерски спасувачки систем, откако претходно беше објавен јавен повик. 

Ова е наведено како една од точките на последната владина седница каде се споменува „започнување на постапка за раскинување на Договор за вопоставување на јавно приватно партнерство за формирање на современа модерна организација-платформа како ефикасен носител на хеликоптерски итен медицински систем во Република Северна Македонија (ХЕМС) и хеликоптерски услуги за пребарување и спасување (САР)“.

Единствено досега беше познато дека „Сархемс“, ги поднела до Владата своите барања во рамки на договорот за јавно-приватно партнерство пред неколку месеци, но што се случувало понатаму останува недоречено, бидејки потпишаниот договор беше недостапен за јавноста. 

Владата во декември минатата година потврди дека е потпишан договорот со компанијата, која требаше да нуди бесплатна медицинска помош како еден вид „воздушна болница“, а за тоа, по некоја логика, да наплаќа од осигурителните компании. Според минатогодишните најави на поранешниот генерален секретар на Владата, Драги Рашковски, кој го туркаше овој проект, по половина година од потпишувањето на договорот, партнерот беше должен да набави два хеликоптери за помош и спасување и да ги остави за државата кога ќе истече рокот на партнерството.

Единствено досега е познато дека државата требаше да обезбеди државно земјиште за изградба на хелиодромите од страна на оваа компанија. „Сархемс“ е компанија на SHC Swedish Helicopter Consortium AB, регистрирана во Шведска. Опозициската ВМРО-ДПМНЕ ја обвини власта за грабеж тежок 72 милиони евра. додека Рашковски тврдеше дека овој договор нема да ја чини државата „ни денар“.

„Праксата вели дека ваквиот тип на услуги се наплаќаат преку договори со осигурителни компании. На осигурителните компании им е полесно да платат одредена такса и нивните осигуреници да имаат таков вид на помош во таа држава, отколку да плаќаат скапи поединечни ангажмани на хеликоптерски услуги на договорна база. Друг начин на наплата, е компаниите да го вметнуваат осигурувањето во зелените картони на автомобилите и во таков случај исто заштедуваат средства“, објаснуваше лани Рашковски по објавениот јавен повик и изборот на приватниот партнер.

За работата на хеликоптерската прва помош, генералниот секретаријат изработи и физибилити – студијата за Системот за хеликоптерско спасување. 

Според договорот, компанијата требаше да инвестира 9 милиони евра, а секоја година на државата да ѝ плаќа 10.000 евра. Интервенцијата на хеликоптерите требаше да биде во рок од 15 минути на територијата на целата земја. 

А.К.


Можеби ќе ве интересира

„ПРВАТА ФАЗА ОД ПРУГАТА КОН БУГАРИЈА Е ПРИ КРАЈ И МНОГУ БРЗО ЌЕ БИДЕ ПУШТЕНА“: Николоски ги кажа најновите информации за сите инфраструктурни проекти

„ПРВАТА ФАЗА ОД ПРУГАТА КОН БУГАРИЈА Е ПРИ КРАЈ И МНОГУ БРЗО ЌЕ БИДЕ ПУШТЕНА“: Николоски ги кажа најновите информации за сите инфраструктурни проекти

ЕВЕ КОЛКУ ЛУЃЕ РАБОТЕЛЕ НА ЦРНО ВО ГЕРМАНИЈА: Голем дел се во угостителството

ЕВЕ КОЛКУ ЛУЃЕ РАБОТЕЛЕ НА ЦРНО ВО ГЕРМАНИЈА: Голем дел се во угостителството

(ВИДЕО) Коце Трајановски: Го поканив градоначалникот на Крива Паланка, ама не знам дали дојде

(ВИДЕО) Коце Трајановски: Го поканив градоначалникот на Крива Паланка, ама не знам дали дојде

НОРВЕШКА ГО ПРЕЗЕМА ЛИДЕРСКОТО МЕСТО НА РУСИЈА - голем раст на извозот на гас, станува главен снабдувач во Европа

НОРВЕШКА ГО ПРЕЗЕМА ЛИДЕРСКОТО МЕСТО НА РУСИЈА - голем раст на извозот на гас, станува главен снабдувач во Европа

СЛЕДУВА ЛИ КРИЗА ЗА ГАС? ЕСМ купува 11 илјади тони мазут за топланите

СЛЕДУВА ЛИ КРИЗА ЗА ГАС? ЕСМ купува 11 илјади тони мазут за топланите

Економијата контра политиката, цвета трговијата со Бугарија! Колкав е македонскиот извоз и колку потрошивме за увоз на стоки од Бугарија?

Економијата контра политиката, цвета трговијата со Бугарија! Колкав е македонскиот извоз и колку потрошивме за увоз на стоки од Бугарија?

ОВА СЕ ШЕСТЕ КЛУЧНИ ЧЕКОРИ ЗА ДА СЕ ПОДГОТВИТЕ ЗА ПАТУВАЊЕ ГОДИНАВА: Од нив ви зависи влезот

ОВА СЕ ШЕСТЕ КЛУЧНИ ЧЕКОРИ ЗА ДА СЕ ПОДГОТВИТЕ ЗА ПАТУВАЊЕ ГОДИНАВА: Од нив ви зависи влезот

СЕПАК АИ ЌЕ НИ ЈА ЗЕМЕ РАБОТАТА: Еве кои работни места најмногу ќе настрадаат

СЕПАК АИ ЌЕ НИ ЈА ЗЕМЕ РАБОТАТА: Еве кои работни места најмногу ќе настрадаат

ОВА СЕ ВАЛУТИТЕ ШТО ГО ПРЕЗЕМААТ ТРОНОТ: Еве ги парите на иднината

ОВА СЕ ВАЛУТИТЕ ШТО ГО ПРЕЗЕМААТ ТРОНОТ: Еве ги парите на иднината