07 Март, 2021
0.0189

Владата ја купува зградата на АД ЕСМ, веќе му даде милион евра

Објавено во: Економија 18 Јануари, 2021

Владата ja купува зградата на АД ЕСМ во строгиот центар на Скопје, а за тоа му даде милион евра на Електрани на Северна Македонија како аванс. Остатокот од вредноста на зградата ќе биде исплатен понатаму.

По сличен пример Владата за 10 милиони евра ја купи зградата од АД за стопанисување со станбен и деловен простор и потоа му ја отстапи на Министерството за политички систем и односи со заедниците. Засега не е познато кои институции би ги вселила Владата кога ќе се дооткупи останатиот дел од објектот кој е на атрактивна локација а во моментов нема целосна фасада.

Одлуката е донесена на владина седница на 29 декември за одобрување на средства од буџетот за 2020 година во износ од 61.000.000 денари, а трансакцијата е веднаш извршена по два дена, односно на последниот ден од минатата година, без посебно известување до јавноста.

„Владата на Р. Северна Македонија на крајот на 2020г му исплати на АД ЕСМ 1.000.000 евра на име аванс за купување на управната зграда на АД ЕСМ лоцирана на плоштадот Македонија-Скопје. Останатите средства за купопродажбата ќе бидат исплатени по завршување на официјалната проценка на вредноста на објектот.

Во 2020г АД ЕСМ, по задолжение од Владата, го откупи делот од зградата кој беше во сопственост на АД ЕВН, (кој му припаднал на ЕВН со распределбата на имотот по раздружувањето на поранешното државно Електростопанство).

ЕВН располагаше со 50% од зградата, кои АД ЕСМ ги откупи за 2.375.100 евра, по што зградата премина во целосна сопственост на ЕСМ“, гласи одговорот од компанијата кој го добивме.

Седум години зградата каде до пред една година беше сместена ЕВН, а сега ја користи само државната компанија ЕСМ, е без целосна фасада, откако старата беше отстранета во 2013 од претходната власт.

Директорот на ЕСМ Васко Ковачевски, пролетта рече дека од ЕВН се купени четири ката од зградата, дел од приземјето и земјиштето под зградата за 2,2 милиони евра и дека се работи на надворешниот изглед.

А:К.


Можеби ќе ве интересира

ВО ВРЕМЕ НА ПАНДЕМИЈА МАЛКУМИНА МИСЛЕЛЕ НА НОВА КОЛА - увозот на нови автомобили лани се струполи за 33 отсто

ВО ВРЕМЕ НА ПАНДЕМИЈА МАЛКУМИНА МИСЛЕЛЕ НА НОВА КОЛА - увозот на нови автомобили лани се струполи за 33 отсто

ПРОПАДНАА ОСМОМАРТОВСКИТЕ ПОНУДИ - Иако цените се поволни, интересот е слаб

ПРОПАДНАА ОСМОМАРТОВСКИТЕ ПОНУДИ - Иако цените се поволни, интересот е слаб

Инвестицискиот циклус на „Макпетрол“ АД продолжува, реновирана и модернизирана бензинската станица во центарот на Тетово

Инвестицискиот циклус на „Макпетрол“ АД продолжува, реновирана и модернизирана бензинската станица во центарот на Тетово

БЕКТЕШИ СО СТУДЕН ТУШ ДО СМЕТКОВОДИТЕЛИТЕ: Тие бараа пролонгирање за завршните сметки до 31 март, власта ги одби

БЕКТЕШИ СО СТУДЕН ТУШ ДО СМЕТКОВОДИТЕЛИТЕ: Тие бараа пролонгирање за завршните сметки до 31 март, власта ги одби

Граѓани, компании и институции во осигурување вложиле 163,7 милиони евра

Граѓани, компании и институции во осигурување вложиле 163,7 милиони евра

Угостителите ги налутија музичарите: Зошто пејачите да не пеат со визири

Угостителите ги налутија музичарите: Зошто пејачите да не пеат со визири

Биткоинот „шпанско“ село за инвеститорите: Не знаат што е „блокчеин“, ниту „копање“ а купуваат криптовалути

Биткоинот „шпанско“ село за инвеститорите: Не знаат што е „блокчеин“, ниту „копање“ а купуваат криптовалути

Турци за 6,5 милиони евра ја купија фабриката за кабли во Неготино од банка и се пред добивање на субвенции

Турци за 6,5 милиони евра ја купија фабриката за кабли во Неготино од банка и се пред добивање на субвенции

Кој во „корона“ со речиси преполовена продажба направи профит од 8,3 милиони евра?

Кој во „корона“ со речиси преполовена продажба направи профит од 8,3 милиони евра?