Владата на цела седница ќе им се посвети на младите
Објавено во: Македонија 20 Март, 2018
Владата предводена од премиерот Зоран Заев денеска ќе има цела владина седница посветена на младинските политики при што ќе треба да ги презентира сите или барем повеќето проекти кои СДСМ ги ветуваше во предизборниот период за подобрување на состојбата на младите луѓе во Република Македонија.
„На оваа седница и претходеа серија на отворени координативни средби, организирани и координирани од страна на Агенцијата за млади и спорт (АМС) и Владата на Република Македонија, кои преку средбите и широка јавна расправа, отворија простор за предлог политики на младинските организации.
На седницата, покрај младинските политики кои ги имплементира Владата, заедно со претставници на младинските организации, ќе ги разгледуваат доставените, предлог – политики, посветени на унапредување и подобрување на животот на младите во земјава“, соопштија од Владата на РМ.
Очекуваме Владата да се позанимава повеќе со невработеноста на младите, подобрување на студентскиот стандрд, нови програми за студентите, можност да обуки и дообразување, како и многу други проекти кои подолго време се на агендата на младинските организации, но и на неформалните групи на млади луѓе во Македонија.