Владата сака да ги продаде ТЕЦ Неготино и Тутунски комбинат Прилеп?
Објавено во: Економија 15 Април, 2020 07:00
Бирото за судски вештачења на барање на Владата лани направило проценка за тоа колку вредат Термо-електраната Неготино и Тутунски комбинат Прилеп. Ова го пишува во новообјавениот стратешкиот план на бирото, а истото за „Фактор“ го потврдува директорот Валдет Џафери. Од сето ова може да се заклучи дека кај Владата може да се јавил интерес да ги продаде на приватен инвеститор.
Најзначани проценки, како што објавува бирото, во 2019 била вредноста на ТЕЦ Неготино, ТК Прилеп, земјиштето на преносниот гасоводен систем што го гради АД ГА-МА, како и проценките на конфискациите на Агенцијата за управување со одземен имот. Најмногу проценки пак се правеле за потребите на ЈП за Државни патишта, Македонски енергетски ресурси, Агенцијата за вработување, Министерството за финансии, Дирекцијата за технолошко-индустриски развојни зони и АД за изградба и стопанисување со станбен и деловен простор.
- Тоа се најзначајните субјекти на кои ја извршивме проценката на нивната целокупна вредност. Оваа година немавме барање за работа од таков тип. Ние како Биро за судски вештачења имавме обврска на барање на Владата само да ја констатираме нивната вредност, а кои се мотивите тоа нас не не интересира, вели директорот Џафери.
Тој додава дека не е коректно да се истакнува нивната вредност, односно нивната евентуална цена со која би можеле да бидат понудени на продажба. Џафери вели дека евентуалната сума може да ја соопшти само Владата, на чија адреса „Фактор“ и ќе се обрати.
Владата во 20017 размислуваше за продажба на ТЕЦ Неготино, која во мо0ментов е наменета за работа само во вонредни околности, а беше објавен и меѓународен тенедер за продажба на централата. Стручната јавност беше против евентуалната продажба.
Тутунскиот комбинат (ТК) Прилеп повеќе не е загубар, минатата година ја заврши со добивка од 39,2 милиони денари што главно се должи на подобрената продуктивност со растоварувањето од превработеноста, како и на стратегиското партнерство што го воспостави во меѓувреме.
Проценката на вредноста на овие два субјекти може да се смета дури и како вонредна околност за работата на бирото, ако се знае дека вообичаено врши проценки за експропријации на земјишта заради изградба на патишта и цевководи, штети настанати како резултат на неповолни временски услови, продажба и давање под закуп на недвижен државен имот, при пренос на концесии итн.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Директорот на НИС им се обрати на вработените: Еве што се случува со продажбата на компанијата
ДО КОГА МОЖЕ ДА ИЗДРЖИ СРБИЈА? Вучиќ за ситуацијата со НИС: Сигурен сум дека Русите ќе се договорат
Планот на Нетфликс да го купи Ворнер Брос. ја фрла театарската индустрија во превирања
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
