Влезот на кинеските ИТ компании, ризик за безбедноста на САД

Добивај вести на Viber

Комисијата за разузнавање на Трговската комора во САД,  предупредува дека двете водечки кинески компании за телекомуникациска опрема „Huawei Technoligies“ и „ZTE“ претставуваат сериозна закана за безбедноста на САД, пренесоа светските агенции. Комисијата препорачува регулаторните тела да ги блокираат операциите за спојување и купување на американски компании од страна на двата кинески гиганти. Таа исто така советува американските владини организации да не користат опрема од двете компании, а американските приватни компании - да избегнуваат да работат со нив. Комисијата критикува дека во извештајот за влез на пазарот во САД, кинеските ИТ компании  не дале доволно информации за својата работа, како и за официјалните врски со кинеските власти, забележува Ројтерс. Комисијата наведува дека располага со тврдења од анонимни експерти од оваа индустрија, како и од сегашни и поранешни вработени на„ Huawei“,  кои укажуваат на тоа дека компанијата може да биде одговорна за мито и корупција, дискриминаторско однесување или прекршување на авторските права. „Врз основа на собраните информации сметаме дека не може да се има доверба во овие компании, бидејќи голем е ризикот дека се под влијание на Кина, што ги прави закана за безбедноста на САД и нашите системи“, се истакнува во извештајот на разузнавачката комисијата.