ВМРО ДПМНЕ: Осудуваме насилство врз новинари и повикуваме настанот да се расветли
Објавено во: Македонија 09 Септември, 2020
ВМРО-ДПМНЕ осудува секаков вид на насилство и попречување на работа врз новинар или медиум. Новинарите и медиумските работници ја имаат полната поддршка на ВМРО ДПМНЕ.
Ова е ставот на најголемата опозициска партија ВМРО-ДПМНЕ, која денеска во главниот град одржа протест против поскапувањето на струјата, при што се случи и немил настан, односно беше нападната новинарска екипа.
Од ВМРО-ДПМНЕ повикуваат овој настан целосно да се расветли.
„Повикуваме да се расветли настанот од вечерашниот протест и воедно ги повикуваме надлежните органи да ги расветлат сите случаи на попречување на работа на новинари, насилство врз новинари, случаи на физичка пресметка кои власта на Заев ги става под тепих. Воедно ВМРО-ДПМНЕ ги осудува и случаите кога се врши политичко судски прогон врз новинари кои се критички настроени кон носителите на јавни функции, како и притисоците врз медиуми“, велат од ВМРО-ДПМНЕ.