ВМРО-ДПМНЕ за градинките: Изјавите на Мила Царовска се несериозни и патетични
Објавено во: Македонија 23 Октомври, 2016
Владејачката партија ВМРО-ДПМНЕ реагира на прес конференцијата на Мила Царовска, од СДСМ која обвинуваше за негрижа за детските градинки кои ги нема во доволен број и дека во постоечките градинки капацитетите се преполни и скандалозно е што запишувањето во градинките оди само преку роднински или партиски врски.
- Граѓаните не им веруваат на манипулациите на СДСМ, затоа што можат да ја видат разликата. Откако ВМРО-ДПМНЕ ја има поддршката на граѓаните отворени се 54 градинки и во градовите, но и во руралните населби. Патем, во 2006, опфатот на деца од 0 до 6 години во градинки бил околу 9% а сега е 26%. Додека пак опфатот на деца од 3 до 6 години бил околу 12% а сега околу 40%. Новите детски градинки отворија и нови 1400 вработување на стручен кадар. велат од ВМРО-ДПМНЕ.
- Дополнително со поволностите кои беа овозможени од Владата предводена од ВМРО-ДПМНЕ за поттикнување на отворање на приватни детски градинки, во моментов функционираат 28 приватни детски градинки кои отворија нови 150 работни места. Во моментов се работи на градинки во Аеродром, Чучер Сандево, Маџари-Гази Баба, Маврово-Ростуше, Новаци, Карпош, Врапчиште, соопшти владејачката партија.
Исто така ВМРО-ДПМНЕ останува на планот во новиот мандат на владата да изгради или реновира 140 нови градинки.