ВМРО-ДПМНЕ: За вториот ТАТ виновен е Зоран Заев
Објавено во: Економија 14 Ноември, 2020
Oд ВМРО-ДПМНЕ денеска обвинија дека директен учесник во пропаѓањето на Еуростандард Банка се семејството Заеви.
„Жално е што Костадин Костадинов не собра храброст и доколку верува во лагите и клевети што ги кажа од Собрание да ги повтори надвор од собраниска говорница, туку денес пушти голобрадо младо момче во оган говорејќи комплетни невистини. Костадинов не излезе зошто знае дека ќе заработи тужба за клевета“, стои во партиското соопштение.
Споменаа дека фирми од Струмица земале кредити без покритие и од невраќање се стекнале со богатство од 13 милиони евра.
„СДСМ не може да избега од вистината, до гуша се потонати во криминал тежок 200 милиони евра со кој пропадна банка и илјадници граѓани се оштетени. Ова е вториот ТАТ, а за него е виновен Зоран Заев“, велат од партијата.
Вчера во Собранието имаше надзорна расправа за пропаѓањето на банката.