ВМРО-НП: Прославата на „Битката на Зебрњак“ беше попомпезно обележана од Денот на македонската револуционерна борба

Добивај вести на Viber

ВМРО-Народна партија изразува голема загриженост што оваа година прославата на „Битката на Зебрњак“ после која е окупирана Македонија и со која започнува 23 годишната српска окупација на нашата земја е одбележана на многу помпезен начин и со поголема манифестација отколку Денот на македонската револуционерна борба.

„Исто така загрижени сме што бројот на настани со кои се одбележува српската окупација на Македонија ги надмина и државните празници во земјата. Само да потсетиме, секоја година со големи манифестации се прославуваат битките кај Кајмакчалан, Брегалница, Зебрњак, Удово, битката кај Рамне, „денот на победата“ во Битола, и сето тоа со македонски државни пари од македонскиот буџет со кои се слави окупациона војска на територијата на Македонија. Но, посебно сме загрижени што на тие прослави Македонија е претворена во поле на омраза, така што пред два дена чувме омраза, реваншизам и шовинизам против Турците, Бугарите, Албанците и муслиманите, а да не зборуваме за тоа што редовно Македонија се нарекува „стара и јужна Србија“, а Македонците „срби кои биле ослободени“, стои во реакцијата на ВМРО-НП. 

Додаваат дека овие навреди кон македонскиот народ овој пат беа надоградени и со нов идентитет и наратив обраќајќи се со „браќа северномакедонци“.