Во чие раце ќе заврши авиокомпанијата Fly Niki?

Добивај вести на Viber

Европскиот авијациски пазар прави големи напори да се консолидизира откако повеќе компании банкротираа поради слабите приходи и долгорочното намалување на цените. Сега се бара решение за иднината на компанијата Niki формирана од екс Формула 1 шампионот Ники Лауда која беше дел од банкротираната „Air Berlin“.

Администраторите на банкротираната австриска авиокомпанија „Niki“ избраа два стратешки понудувачи да учествуваат во конечните разговори за нивните средства, објави „Ројтерс“. „IAG“, сопственик на „British Airways“ и нискобуџетниот оператор „Vueling“, е една од избраните компании, изјавија два извори за агенцијата.

Авиокомпанијата поднесе документи за банкрот откако германската компанија „Lufthansa“ се откажа од договорот за купување на своите средства, принудувајќи ги своите авиони и илјадници патници да останат приземјени.

Шест страни поднесоа понуда до крајниот рок од четврток, од кои пет се обврзувачки, рече администраторот на „Niki“, Лукас Флотер во соопштението без да даде дополнителни информации.

Лауда во четвртокот рече дека понудил да го купи „Niki“. Меѓутоа, неговата портпаролка во петокот изјави дека не може да потврди дали тој е меѓу двата останати кандидати за компанијата.

Германски весник тврди дека „Thomas Cook“ и „Tuifly“, сопственост на „TUI“, се меѓу другите понудувачи.

Друга заинтересирана страна е швајцарскиот превозник „PrivatAir“.

„IAG“ и „Thomas Cook“ одбија да коментираат на оваа тема, а од „TUI“ не беа достапни за коментар.