Во ист ден цените на крзното паѓаат, а растат на млекото и лебот

Добивај вести на Viber

За пола година на хрватскиот пазар  продаден е накит во вредност од 100 милиони куни и часовници вредни милиони долари. По Нова Година со намалувањето  на акцизата на автомобили и  ДДВ за угостителските услуги хрватите ги чека и укинување на луксузниот данок. Трошоците кои што се додаваат на секое купување на часовници, злато, дијаманти, крзна ќе бидат дел од минатото, а тоа значи дека цената ќе биде 30 проценти помала од производите што владата ги има дефинирано како луксуз ... Во време на криза боде во очи тоа што  државата во ист ден ги прави поевтини дијамантите и крзненото палто, а ја покачува цена на млекото, лебот и лековите. Имено, укинувањето на луксузниот данок е дел од корекцијата на практиките на Европската унија, како што е и укинување на нулта данок на додадена вредност.Што  значи основните материјали и книги во иднина ќе се оданочуваат со стапка од 5 проценти. Инаку, накитот, часовниците, и скапата облека конкретно на државата не и носеле огромни приходи. Така, според министерството за финансии во буџетот од луксузниот данок имало само  24.3 милиони куни во текот на  целата година, а до јуни се очекува  уште десет милиони евра. Од министерството објаснуваат дека со приклучувањето кон Европската унија, износот ќе падне уште повеќе, затоа што граѓаните ќе можат да купуваат луксузни производи во земјите на ЕУ. Со оглед на цените на овие предмети, се чини дека се продадени само неколку скапи часовници и неколку десетици палта, па кризата помогнала и во борбата за заштита на животните.