Во кој европски град киријата се плаќа со помалку од третина од платата?

Добивај вести на Viber

Во Женева киријата се плаќа со помалку од третина од платата, додека во Лисабон киријата е за 16 проценти повисока од платата. 

„Еуроњуз бизнис“ објави анализа на најновиот глобален извештај „Мапирање на светските цени“, кој ги споредува нето месечните плати и кириите во 69 града низ целиот свет, вклучувајќи 28 европски метрополи.

Во Лисабон, просечната плата не ја покрива киријата за 16 проценти, а во Истанбул за еден процент. Ситуацијата е сериозна и во Лондон, каде што 75 проценти од платата одат за кирија, како и во Барселона и Мадрид (74 отсто), Милано (71 отсто), Рим (65 отсто), Даблин (62 отсто), Атина (57 отсто), Варшава (56 отсто), Прага (54 отсто) и Будимпешта (52 отсто). Единствен европски град со сооднос кирија-плата под 30 отсто е Женева, а следуваат Луксембург и Франкфурт со 34 отсто, Цирих и Хелсинки со 35 отсто и Виена со 38  отсто. 

Кириите за еднособни станови во градските центри варираат. Во Европа, Лондон води со 2.732 евра месечно, додека најниската кирија е во Атина (595 евра). Во Цирих, Даблин, Амстердам и во Женева кириите надминуваат 2.000 евра, додека во Истанбул и во Будимпешта се под 900 евра.

Годинава во Европа највисоки плати се регистрирани во Женева и во Цирих – над 7.000 евра. На дното се Истанбул (855 евра) и Атина (1.044 евра).

foto Wikipedia/Sdnegel