Во која земја работниците годишно имаат 46 слободни денови?

Добивај вести на Viber

Во девет европски земји,  компаниите се обврзани на своите вработени да им дадат минимум пет недели платен одмор годишно.

Во Франција секој месец вработените во компаниите добиваат 2,5 дена одмор, односно 30 дена годишно. Помеѓу 1 мај и 31 октомври вработените со закон се обврзани да земат меѓу две и четири недели одмор, познат како главен одмор.

Во Андора работниците што биле вработени повеќе од шест месеци имаат право на 30 дена годишен одмор, а најмалку две недели годишен одмор мора да се користат последователно.

Во Обединетото Кралство вработените имаат законско право на 28 слободни дена. Сепак, вработените можат да ги комбинираат слободните денови со празниците.
На вработените во Молдавија им се гарантираат 28 дена платен годишен одмор, со исклучок на државните празници.

Вработените во Луксембург имаат два дена помалку годишен одмор, односно пет недели. Во Луксембург е дозволено да земете годишен одмор одеднаш, доколку во компанијата работите најмалку три месеци.

Сан Марино можеби е најмалата земја во светот, но врз основа на слободните денови, дефинитивно не треба да се игнорира. Имено, законски вработените имаат 26 дена годишен одмор. Освен тоа, Сан Марино има 20 државни празници, што значи дека вработените можат да земат вкупно 46 дена одмор секоја година. Сан Марино го зазема второто место во светот по бројот на слободни денови.

Во Шведска, по една година помината во компанијата, вработените имаат право на пет недели одмор, додека во текот на летните месеци работниците во повеќето индустрии имаат право да земат четири комбинирани недели одмор. Швеѓаните се платени повеќе за време на нивните слободни денови и можат да пренесат до пет дена отсуство во следната година.

Вработените во Австрија имаат право на 25 дена годишен одмор. По 25 години поминати во истата компанија, вработените добиваат уште една недела платен одмор годишно.

foto freepik.com/sergeycauselove