29 Март, 2020
0.0393

Во Македонија искоцкани над 210 милиони евра! Кои се најголемите казина и коцкарници?

Објавено во: Економија, Анализа 12 Февруари, 2020

Дали е Македонија царство на казина, слот машини и автомати за коцкање, станува ли мека за интернет коцкање? Коцкарските компании во земјава (регистрирани како големи и средни фирми) во 2018 година направиле приходи кои надминуваат 210 милиони евра. Станува збор за 17 компании меѓу кои има казина, организатори на коцкање на автомати, слот машини, а има и интернет коцкање. Навистина спортските обложувалници не можат да се мерат со надоаѓачкиот тренд на „коцкање на струја„ без разлика дали се работи за казина, автомати, слот машини или компјутерски апликации кои овозможуваат глобално коцкање...

Бројките се немилосрдни и покажуваат дека во нашата мала земја има бизнис за дејностите за коцкање.

Принцез Хотел Казино на граничниот премин „Богородица“ во близина на Гевгелија е најголемата коцкарница од аспект на остварениот приход во 2018 година. Тој изнесува 40,5 милиони евра, а остварената добивка е 372.000 евра. Сопственици се локалната фирма „Принцес Гроуп“ од Гевгелија и „Ирада“ од даночниот и банкарски рај во јужногерманските Алпи – кнежевството Лиштенштајн.

Следуваат фирмите кои директно или индиректно ги поседува „Новоматик“. Оваа компанија преку фирмата ќерка „ХТЛ Македонија“ ги поседува Мастербет и МА Гаминг , а директно го поседува гевгелиското казино коцкарница Макотен. Најголем според приходи е „Мастербет“ со реализација од 15,5 милиони евра и добивка од 1,4 милиони евра (станува збор за брендот Астра казина). „МА Гаминг“ остварил приход од 19,4 милиони евра и добивка од 3,1 милиони евра и тоа е најуспешната македонска компанија на „Новоматик“. Гевгелиски „Макотен“ работел со загуба од 3,1 милиони евра, а приходот изнесувал 18 милиони евра.

Битолски „Сенатор“ е најголемиот приредувач на коцкарски игри по големата тројка на Новоматик. Таа компанија што е во сопственост на „Интерфутура“ од Скопје и на странското друштво “Блек Маунтин Инвестмент ЛТД“ во 2018 година остварила приход од 23,6 милиони евра и добивка од 1,7 милиони евра.

Во групата на „тешкаши“ според приходот е и Бет Ту Мар компанија во сопственост на домашна фирма – „Компанија Тренчески“ од Скопје. Ова друштво за забавни игри т.е. за коцкање и обложување остварило приход од 30,7 милиони евра и добивка од 232.000 евра.

Следува, според износот на остварен приход, охридското електронско казино „Матрикс“ сопственост на Борче Шишковски и Виктор Илоски. Ова друштво остварило 7,3 милиони евра приход, а добивка од 3.000 евра и во оваа конкуренција е компанија со најмал профит.

Автоматските коцкарници на друштвото „АПЕК МК“ оствариле приход од 8,3 милиони евра и добивка од фантастични 3,5 милиони евра. Ова друштво е поседувано од четири друштва: “ИНТ ГХ“, “Унио Бетеилигунтс“ , „КАЛЛ МАКС“ и „ АПЕКС Холдинг ГмбХ“. Од сите досега наброени ова е најуспешната коцкарска приказна според критериумот учество на профитот во приходот на компанијата.

Убедливо најуспешна е „Касинос Аустриа Интернационал Македонија“ која се јавува како ко-сопственик на Државната видео лотарија на Македонија. Ова друштво остварило приход од 2,34 милиони евра од кои чиста добивка се 2,17 милиони евра.

Од помалите организатори на коцкање најголем е ТХЕ Слотс со приход од 8 милиони евра и загуба од 592.000 евра. Ова друштво има пет сопственици од кои 4 се физички лица и една чешка фирма со подружница во Македонија и со назив Синот ВВ а.д.

Од најмалите четири електронски коцкарници најголем , за нијанса, е Астра Електроник Компани со седиште во Скопје. Друштвото остварило 1,87 милиони евра приход и добивка од 91.000 евра. Сопственост е на три странски физички лица и словенечка компанија „Интер Кватро“ со седиште во Порторож.

Брендот на „Винер Слот Казино“ го работи компанијата Глобал Гаминг од Скопје. Сопственици се друштвото „ДА АНД ЦО“ од Скопје и Горан Керкез. Глобал Гаминг остварил приход од 1,6 милиони евра од кои над 10 отсто се профит. Добивката изнесувала 178.400 евра.

Гостиварската компанија Казино Меркур во 2018 година остварила добивка од 5.700 евра од приходот што изнесува 1,4 милиони евра. Сопственици се Ѓулнеар Алими и Артан Цука.

Гаминг Професионал од Тетово има најмал приход во оваа конкуренција. Компанијата чиј сопственик е Владимир Пауновски остварила приход од 1,2 милиони евра и добивка од 17,150 евра.


Р.Ф.

Можеби ќе ве интересира

Азески: Коридорите се трасирани, мерките елаборирани, компаниите фрустрирани

Азески: Коридорите се трасирани, мерките елаборирани, компаниите фрустрирани

Малите трговци пред Влада бараат бруто-плати и замрзнување на кириите

Малите трговци пред Влада бараат бруто-плати и замрзнување на кириите

Ангеловска: Ќе се крати на опрема, лиценци, софтвери...

Ангеловска: Ќе се крати на опрема, лиценци, софтвери...

Компаниите за организирање и поддршка на настани,ТВ и филмска продукција бараат поддршка од Владата

Компаниите за организирање и поддршка на настани,ТВ и филмска продукција бараат поддршка од Владата

Владата подготвува нов пакет економски мерки

Владата подготвува нов пакет економски мерки

Македонски телеком: Нема 5G мрежа во употреба

Македонски телеком: Нема 5G мрежа во употреба

МУКАЕТОВ: ГРАЃАНИТЕ ДА БИДАТ СПОКОЈНИ - лекови и дезинфициенси ќе има, државата што побргу да побара пари

МУКАЕТОВ: ГРАЃАНИТЕ ДА БИДАТ СПОКОЈНИ - лекови и дезинфициенси ќе има, државата што побргу да побара пари

МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

ОГРОМНИ ШТЕТИ: Коронавирусот економски ќе загрози најмалку 25 милиони луѓе

ОГРОМНИ ШТЕТИ: Коронавирусот економски ќе загрози најмалку 25 милиони луѓе