Во Македонија само долар за час, во Австралија шеснаесет:Ова се земјите со највисока минимална плата

Добивај вести на Viber

Многу луѓе во светот мора да работат за минимална плата. Но и оваа плата е многу различна од држава до држава. Во Македонија на пример, според последните законски измени, минималната плата изнесува околу 8 050 илјади денари. Ако тоа се подели на 22 работни денови во текот на месецот, со полно работно време, излегува дека кај нас минималната плата е 45,7 денари на час (околу 1 долар ). Во САД на пример, таа изнесува  7.25 долари на час. Кај професиите каде има бакшиши, во САД таа паѓа на 2,13 долари на час. Горенаведената сума е просечна за САД. Таа варира во различни држави. Највисока е во Орегон (8.95 долари / час) и Вашингтон (9.19 долари / час), а најниска во Вајоминг, Џорџија и Аканзас. Во продолжение еве кои се ТОП 10 земји со највисоки минимални плати: 10. Нов Зеланд - 10.83 долари / час Во Нов Зеланд има три типа минимални плати, според возраста на вработените - за оние над 18 години, малку пониска за лица на возраст 16-17 година и за лица под 16 години е најниска. 9 Канада - 10.95 долари / час Тука стартната плата зависи од регионот. Најниската е таа во Алберта (9.75 канадски долари). 8. Холандија - 11.77 долари / час Во евра минималната плата во Холандија е 8.4775 евра. Таа сепак важи само за вработени кои наполниле 23 години. За помладите износот е понизок. 7. Ирска - 12.01 долари / час Во евра износот е 8.65 евра, што е еднаква за сите, без услови за возраста. 6. Сан Марино - 12.22 долари / час И тука има една сума за сите - 8,80 евра. 5. Белгија - 12.67 долари / час Во Белгија има значење возраста и времето кое вработениот го поминал на работното место. Ако сте помлади од 21 години и имате искуство од најмалку 6 месеци износот може да се зголеми. По 12 месеци повторно има пораст. 4. Франција - 13.10 долари / час Франција е позната по високите цени, но затоа пак државата ја  дава 4-тата највисока минимална плата во светот. 3. Монако - 13.76 долари / час Или во евра, најмалку 9,43 евра добиваат граѓаните на Монако. 2. Луксембург - 15.05 долари / час Тоа е најниската плата за вработените кои немаат квалификации. Таа е за 20% повисока за вработени со квалификации. За малолетниците оваа сума е пониска. 1. Австралија - 16.45 долари на час Австралија е великодушна држава во однос на минималната плата. Постојат различни нивоа на минимална плата, во зависност од возраста и искуството.