Во Мала Речица се повредени четворица полицајци
Објавено во: Македонија 17 Септември, 2021
Четворица полицајци се повредени во протестот во Мала Речица во Тетово.
Портпаролот на СВР Тетово, Марјан Јосифоски, соопшти дека четворица полициски службеници се полесно повредени во денешниот протест, а од слобода се лишени две лица, и тоа 52 годишник од Тетово и 31-годишник од Кичево. Полицијата во координација со јавен обвинител работи на расчистување на случајот, по што против инволвираните во настанот ќе следуваат соодветни поднесоци.
Во Тетово имаше протести поради трагедијата која се случи на 8 - ми септември, кога изгоре модуларната болница во градот, при што 14 луѓе изгореа. Демонстрантите бараат одговорност за пожарот.