Во национален енергетски оператор се делат „министерски“ плати
Објавено во: Економија 27 Декември, 2024 07:50
Просечната нето плата во националниот оператор на пазарот за електрична енергија МЕМО минатата година била 1.500 евра по вработен, што е уште една потврда дека вработените во енергетскиот сектор се едни од најплатените во земјата.
Во извештајот на независните ревизори што е објавен за работењето на фирмата-ќерка на МЕПСО во 2023, изнесено е дека вкупниот трошок за нето плати и персонален данок за вработените изнесувал 22.931.000 денари. Ако се земе официјалната бројка од 19 вработени за минатата година, тогаш излегува дека просечна плата во МЕМО била 90.500 денари.
Инаку и самиот прикажан трошок на МЕМО за нето плати (и персонални даноци) е зголемен за 23 отсто. Во 2023 за оваа ставка се поделиле 375.000 евра, а една година претходно сумата била сведена на 305.000 евра.
МЕМО покрај тоа што во својот делокруг на работа ја организира берзата за електрична енергија, ги распределува средствата за повластените производители од обновливи извори на енергија и го контролира придржувањето на трговците и снабдувачите на струја до своите одговорности, од следната година ќе се стекне со уште една важна надлежност..
Операторот ќе издава гаранции за потекло на електрична енергија со кои индустриските производители ќе докажуваат при царинењето дека користеле струја од обновливи извори на енергија, така што би си ги намалиле ригорозните давачки што ќе ги наметнува Брисел од 1 јануари 2026. Во прашање е механизмот за јаглеродно гранично прилагодување - СВАМ (Carbon Border Adjustment Mechanism (2023/956) кој опфаќа шест категории производи - железо и челик, алуминиум, водород, ѓубрива, цемент и електрична енергија, произведени во трети земји кои треба да се увезат во земја членка на ЕУ.
Инаку, како што беше претходно медиумски објавено, според усвоениот буџет за 2025, едни од најплатените во државната управа следната година ќе бидат вработените во новоформираното Министерство за енергетика, рударство и минерални суровини. Од таму сепак велат дека тој буџет е предвиден за 200-тини вработени во 2025, додека во моментов министерството има само 60-тина вработени.
А.К.
Можеби ќе ве интересира
Гоце Димовски:„Аптив“ ќе зи замине од Македонија, но ќе треба да врати пари од државна помош
Компанијата dm drogerie markt забележа уште една успешна деловна година со стабилен раст, вложувања и иновации на домашниот пазар
Дебата во Собранието за оданочување на пратките од „Тему“ и „Али Експрес“
Дали унгарскиот нафтен гигант MOL е најблиску до купување на акциите на НИС
„СЀ ПОВЕЌЕ СЕ ТОНЕ ВО ДОЛГОВИ“: Левица обвинува дека новиот буџет носи сиромаштија и безнадежност
„ЉУПЧО, ТИ ТЕКНУВА КОГА ВРВНО ДОСТИГНУВАЊЕ ТИ БЕШЕ БРОЕЊЕ НА ИСПИЕНИ ЧАШИ ВОДА?“ Трипуновски му возврати на Николовски
„ТРИПУНОВСКИ ВИДНО НЕРВОЗЕН ИЗЛЕЗЕ НА ТЕЛЕВИЗИЈА“: Николовски бара негова оставка
„КАКВИ ДОМАЌИНИ СЕ ОПШТИНИТЕ?“: еве на кои наплатата на даноците им е јака, а на кои слаба страна
Европскиот парламент денес одлучува за судбината на Балканот: Се менува уредбата за трговските односи
