26 Февруари, 2024
0.0261

„ВО ОВОЈ СЛУЧАЈ СÉ МОРА ДА Е ПРЕЦИЗНО И ТОЧНО, ДА НЕ СЕ ВРШИ ПРИТИСОК ВРЗ ВЕШТАЦИТЕ“: Експертот по судска медицина Алексеј Дума за Фактор

Објавено во: Македонија 11 Декември, 2023

Добивај вести на Viber

Цела недела помина откако македонската јавност беше потресена од веста за убиството на 14-годишната Вања Ѓорчевска од Скопје и на 74-годишниот Панче Жежовски од Велес, и двајцата жртви на истата криминална група, предводена од Љупчо Палевски Палчо. И по цели седум дена не престануваат шпекулациите за тоа кога настапила смртта кај девојчето, односно кое е точното време кога Вања починала. Во интерес на истрагата, Јавното обвинителство постојано укажува дека единствено од обдукцијата која се врши во Институтот за судска медицина ќе има одговори на сите овие прашања.

Основното јавно обвинителство Скопје, како што потенцираат оттаму, е во постојана комуникација и размена на податоци со Институтот за судска медицина.

-Обдукцискиот наод се уште не е изготвен и доставен до обвинителството. Дејствијата на сите инволвирани се предмет на истрага во моментов за што секојдневно се прибираат вербални и материјални докази кои меѓусебно се споредуваат. Јавното обвинителство апелира во текот на истрагата да не се шират непроверени информации кои можат да наштетат на постапката, но и дополнително да ја вознемират јавноста. Во Институтот за Судска медицина се работи  исклучително брзо со оглед на аспектите што треба да се проверат во ово случај. Не станува збор за обична обдукција, и какви било детали во моментов ќе ја нарушат истрагата, нагласуваат од Јавното обвинителство.

Во разговор за Фактор, проф. д-р Алексеј Дума, експерт по судска медицина, деонтологија и криминалистика, посочува дека она што во овој момент е најважно е да не се врши никаков притисок врз вештаците.

-Работат на случај за кој треба да бидат најсигурни во доказите, односно во резултатите од обдукцијата. Во овој „занает“ нема мислам,  нема можеби и така натаму...Форензиката е наука кога се мора да е дефинитивно, прецизно и точно. Некои анализи може да треба да се повторуваат. Нема правило кога точно може да заврши обдукцискиот наод. Секој предмет, секој случај е сам за себе, не постојат два исти. Кај клиничките обдукции работата е многу полесна, има болест, има историја и тоа е тоа. Во ваков случај, се треба да биде точно и прецизно. Со оглед на фактот што телото на девојчето не е пронајдено веднаш, туку цела недела подоцна, настанати се одредени промнени и затоа треба да се пристапи многу внимателно со цел резултатите од сите анализи да бидат точни и прецизни, појаснува професорот Дума, посебно нагласувајќи дека ова е сериозно сензитивен случај кога не треба и не смее да се избрзува со никакви заклучоци.

Освен тоа, нашиот соговорник вели дека Институтот за судска медицина е единствено обврзан наодот од обдукцијата да го достави само до Јавното обвинителство, а оваа институција, како што посочува, не мора да ги сподели информациите во јавноста, особено кога станува збор за предистрага.

-Се прават два примерока од обдукцијата. Едниот се испраќа во Јавното обвинителство, а другиот останува во архивата на Институтот за судска медицина. Тоа е правило, вели професорот Дума.

Освен резултатите од обдукцијата, се чекаат и резултати од вештачењето на двата пиштоли кои ги пронајде полицијата во околината на Скопје, а кои се поврзуваат со сторените злосторства. Тие се дел од истрагата, рече во четвртокот министерот за внатрешни работи Оливер Спасовски на вонредната прес конференција на која главна вест беше апсењето на Палевски во Турција кој е првоосомничен во целиот овој случај.

Анита Буховски


Можеби ќе ве интересира

Кога ќе наидете на „мирни води“ знајте дека е време за промени - интервју со Владимир, Филип и Димитар

Кога ќе наидете на „мирни води“ знајте дека е време за промени - интервју со Владимир, Филип и Димитар

САКАЛЕ ДА ПРОШВЕРЦУВААТ АПАРАТИ ЗА ИГРИ НА СРЕЌА - голема заплена на Царинска управа

САКАЛЕ ДА ПРОШВЕРЦУВААТ АПАРАТИ ЗА ИГРИ НА СРЕЌА - голема заплена на Царинска управа

ОЈО ФОРМИРАШЕ ПРЕДМЕТ ЗА ТРИ КРИВИЧНИ ПРИЈАВИ ЗА ИЗДАВАЊЕТО НА ЛИЧНИ ДОКУМЕНТИ: Коцевски ги соопшти деталите

ОЈО ФОРМИРАШЕ ПРЕДМЕТ ЗА ТРИ КРИВИЧНИ ПРИЈАВИ ЗА ИЗДАВАЊЕТО НА ЛИЧНИ ДОКУМЕНТИ: Коцевски ги соопшти деталите

ЕВЕ КОГА ПОЧНУВА ИСПЛАТАТА НА ПЕНЗИИТЕ: Мартовската пензија која ќе се исплаќа во април треба да биде покачена

ЕВЕ КОГА ПОЧНУВА ИСПЛАТАТА НА ПЕНЗИИТЕ: Мартовската пензија која ќе се исплаќа во април треба да биде покачена

TРЕБА ДА ЗАМИНАТ ДА РАБОТАТ НА БРОД, А НЕМААТ НОВИ ПАСОШИ: Неизвесноста ги мачи младите

TРЕБА ДА ЗАМИНАТ ДА РАБОТАТ НА БРОД, А НЕМААТ НОВИ ПАСОШИ: Неизвесноста ги мачи младите

ЕВЕ КОГА ВООПШТО ДА НЕ СЕ ОБИДУВАТЕ ДА ОДИТЕ ВО ГРЦИЈА: Неколку часа ќе бидат затворени граничните премини

ЕВЕ КОГА ВООПШТО ДА НЕ СЕ ОБИДУВАТЕ ДА ОДИТЕ ВО ГРЦИЈА: Неколку часа ќе бидат затворени граничните премини

МАКЕДОНИЈА ОДБЕЛЕЖУВА 20 ГОДИНИ ОД СМРТТА НА БОРИС ТРАЈКОВСКИ - на денешен ден се случи кобната авионска несреќа

МАКЕДОНИЈА ОДБЕЛЕЖУВА 20 ГОДИНИ ОД СМРТТА НА БОРИС ТРАЈКОВСКИ - на денешен ден се случи кобната авионска несреќа

ВИРШЛИ, СОКЧИЊА ЗА ДЕЦА, СЛАДОЛЕДИ, ЃУМБИР ВО ПРАВ, ПУТЕР И МИНЕРАЛНА ВОДА СЕ ПРОДАВАЛЕ НЕБЕЗБЕДНИ: Еве што се повлекла АХВ од продажба

ВИРШЛИ, СОКЧИЊА ЗА ДЕЦА, СЛАДОЛЕДИ, ЃУМБИР ВО ПРАВ, ПУТЕР И МИНЕРАЛНА ВОДА СЕ ПРОДАВАЛЕ НЕБЕЗБЕДНИ: Еве што се повлекла АХВ од продажба

ЗАМИСЛЕТЕ МАКЕДОНСКИТЕ ПАРТИИ ДА ЈА ПРИФАТАТ ПОЛИТИКАТА НА УЦЕНИ НА ДУИ И ПОСТОЈАНО ДА ИСПОРАЧУВААТ ЧИСТО ЕТНИЧКИ ПРЕДЛОЗИ: Не може така другари, вели Каракамишева

ЗАМИСЛЕТЕ МАКЕДОНСКИТЕ ПАРТИИ ДА ЈА ПРИФАТАТ ПОЛИТИКАТА НА УЦЕНИ НА ДУИ И ПОСТОЈАНО ДА ИСПОРАЧУВААТ ЧИСТО ЕТНИЧКИ ПРЕДЛОЗИ: Не може така другари, вели Каракамишева