01 Јуни, 2023
0.0243

ВО ПОПЛАВИТЕ ВО ПАКИСТАН ЗАГИНАЛЕ 580 ЛУЃЕ, илјадници ги изгубиле своите домови

Објавено во: Свет 17 Август, 2022

Добивај вести на Viber

Над 580 луѓе загинале, а илјадници ги загубија своите домови низ Пакистан поради поројните дождови кои ја зафатија земјата.

Околу 1 милион се погодени од обилни врнежи, поројни поплави и лизгање на земјиштето од јули, бидејќи во Пакистан  за три недели наврнаа дури 60 отсто повеќе дожд отколку во нормалните монсунски врнежи.

Најпогодени се провинциите Балуџистан, Хајбер Пахтунхва и Синд, а до петок се предвидуваат обилни врнежи низ цел Пакистан. Најмалку еден човек загина во вторникот во Карачи, додека непрекинати дождови го погодија најголемиот пакистански град два последователни дена.

Приближно 200 луѓе загинаа во Белуџистан - најголемата и најсиромашната провинција во Пакистан - која ги трпи најголемите поплави во повеќе од 30 години. Националната управа за управување со катастрофи соопшти дека покраината добила 305 проценти повеќе дожд од годишниот просек.

Осумнаесет од 26-те области на Белуџистан се прогласени за „погодени од катастрофа“ од страна на Провинциската управа за управување со катастрофи. Луѓето беа принудени да ги напуштат своите домови бидејќи земјоделските култури и добитокот беа однесени низ провинцијата. Стотици километри пат се оштетени, што ги прави областите недостапни за службите за итни случаи.

Уништени се повеќе од 570 училишта, а пријавени се и случаи на колера, пишува „Гардијан“.

Фармата на Мохамед Сафар во Балучистан, беше однесена од водата кога во градот наврнаа огромни количини на вода која наврнала на 12 јули. Беше 9 часот наутро, а тој и неговото семејство мораа да трчаат по повисоките места. 

- Да беше поплавата во кое било друго време, можеби ќе бевме измиени како чинии во мојата кујна. Го изгубив домот, посевите и сè во оваа поплава - вели Сафар.

Сафар (55) рече дека владата му дала шатор, но ништо друго, потенцирајќи дека стравуваат оти новите дождови ќе им ги однесат и шаторите и нив сосе шаторите. 

- Добиваме храна и друга помош од волонтери или невладини организации. Владата не остави сите сами. Силниот дожд започна од викендот и се плашам дека ќе не однесе - рече тој.

Премиерот Шехбаз Шариф двапати го посети регионот овој месец. 

- Ние правиме се од себе за да обезбедиме широко помош и рехабилитација на жртвите од поплавите - посочи Шариф.

Главниот министер на Белуџистан, Кудус Безињо, апелираше за поголема поддршка од федералната влада и од меѓународните донатори.

Џем Камал, поранешен главен министер и пратеник од Лазбела, рече дека видел малку или никакви владини ресурси на теренот. 

- Немаше претходно договор за справување со поплавата, и покрај предупредувањата од Метеоролошката канцеларија. Покраинската влада тешко потфрли. Ако немаше доброволци кои им помагаа на жртвите, повеќе луѓе ќе умреа од глад. Никој не видел толку дождови во својот живо - рече тој.

Д-р Перваиз Амир, поранешен член на националната работна група за климатски промени, рече дека поплавите биле „преголеми“.

Фото: EPA/ REHAN KHAN

Можеби ќе ве интересира

НОВА ДРОГА НА УЛИЦИТЕ: Поопасна е од хероин, на корисниците им се распаѓа ткивото

НОВА ДРОГА НА УЛИЦИТЕ: Поопасна е од хероин, на корисниците им се распаѓа ткивото

БРЕГЗИТ НЕ МУ ПОМОГНА НА ЛОНДОН, НИКОГАШ НЕМАЛО ПОВЕЌЕ НОВИ ИМИГРАНТИ: Балканската рута повторно најкритична

БРЕГЗИТ НЕ МУ ПОМОГНА НА ЛОНДОН, НИКОГАШ НЕМАЛО ПОВЕЌЕ НОВИ ИМИГРАНТИ: Балканската рута повторно најкритична

КАКО ИЗГЛЕДА ЗАТВОРСКИОТ ДЕН НА МИЛИЈАРДЕРКАТА ОД СИЛИКОНСКАТА ДОЛИНА: Холмс станува во 6.00 и има саатнина од 0,12 долари, вака цели 11 години

КАКО ИЗГЛЕДА ЗАТВОРСКИОТ ДЕН НА МИЛИЈАРДЕРКАТА ОД СИЛИКОНСКАТА ДОЛИНА: Холмс станува во 6.00 и има саатнина од 0,12 долари, вака цели 11 години

ДЕТАЛНА ЛЕТНА ПРОГНОЗА ЗА ЦЕЛА ЕВРОПА, БАЛКАНОТ ПОД ГОЛЕМ РИЗИК ОД ПОПЛАВИ: Скандинавија ќе ја зафатат пожари

ДЕТАЛНА ЛЕТНА ПРОГНОЗА ЗА ЦЕЛА ЕВРОПА, БАЛКАНОТ ПОД ГОЛЕМ РИЗИК ОД ПОПЛАВИ: Скандинавија ќе ја зафатат пожари

ОД 200 СЕГА СЕ САМО 12 СИМПТОМИ НА ДОЛГ КОВИД: Објавена е нова научна студија

ОД 200 СЕГА СЕ САМО 12 СИМПТОМИ НА ДОЛГ КОВИД: Објавена е нова научна студија

Макрон ги искара властите во Приштина, потпишаа договор, ама не го почитуваат

Макрон ги искара властите во Приштина, потпишаа договор, ама не го почитуваат

Австралиски вулкан во близина на Антарктикот исфрла лава

Австралиски вулкан во близина на Антарктикот исфрла лава

НАТО испраќа 700 војници на Косово и ќе прати уште ако има потреба

НАТО испраќа 700 војници на Косово и ќе прати уште ако има потреба

УКРАИНА ТВРДИ: Во секое време знаеме каде се Путин и Пригожин

УКРАИНА ТВРДИ: Во секое време знаеме каде се Путин и Пригожин