Во поранешно УБК остануваат само пола вработени, зголемен процентот на Албанците

Добивај вести на Viber

Во Агенцијата за национална безбедност, која произлегува од поранешно УБК и започнува со работа од утре,, избра само 365 агенти, односно само половина кои ќе останат да работат во оваа безбедносна институција, дознава Алсат.

Процентот на Албанците како вработени е зголемен од 10 на 16 отсто во агенцијата која веќе не е во надлежност на Министерството за внатрешни работи и ќе функциониора како независно тело.

За нејзин актуелен прв директор е избран Виктор Димовски, кој на тоа место дојде со избор на Владата во јуни оваа година и од тогаш започна процесот на професионализација, односно испитување на актуелниот кадар.

Како што дознава Алсат, голем дел од досегашните 650 вработени имале проблеми со интегритетот со служење кон политички партии, бизниси и слично, потоа проблеми кои се покажаа при контролата од страна на други институции како Финансиската полиција, оддел за финансиско разузнавање и слично, а во втората фаза ќе следува полиграфско тестирање.

Според новите услови, тие не треба да бидат во брак или вонбрачно со вработени во истата агенција, да немаат финансиски интереси, да немаат партиска припадност и да немаат двојно државјанство.