Во преработувачката индустрија помалку работници - што е со другите гранки?
Објавено во: Економија 28 Декември, 2016
Во преработувачката индустрија се намалил бројот на работици, покажуваат податоците на Државниот завод за статистика.
Бројот на работниците во секторот рударство и вадење на камен во ноември 2016 година, во однос на ноември 2015 година, бележи пораст од 3.4%, во секторот преработувачка индустрија бележи опаѓање од 1.3%, а во секторот снабдување со електрична енергија, гас, пареа и климатизација пораст од 0.5%.
Според главните индустриски групи, бројот на работниците во индустријата во ноември 2016 година, во однос на ноември 2015 година, бележи опаѓање кај интермедијарни производи, освен енергија за 0.9% и нетрајни производи за широка потрошувачка за 3.1%, додека пораст бележи кај енергија за 3.0%, капитални производи
за 4.2% и трајни производи за широка потрошувачка за 5.1%.
Индексот на бројот на работниците во индустријата во периодот јануари - ноември 2016 година, во однос на периодот јануари - ноември 2015 година, изнесува 100.2.
Индексот на бројот на работниците во индустријата во ноември 2016 година, во однос на ноември 2015 година, изнесува 99.1.