Во преработувачката индустрија се очекува бројот на вработени да се зголеми
Објавено во: Економија 16 Јуни, 2016
Се очекува бројот на вработени во овој сектор да се зголеми, стои во соопштението на Државниот завод за статистика.
Состојбата на обезбеденоста на производството со порачки во мај 2016, во однос на април 2016 година, е малку поповолна.
Се очекува обемот на производството во наредните три месеци да се зголеми, а залихите на готовите производи сe зголемени.
Оценката за економската состојба на деловните субјекти во мај 2016 година е малку поповолна во споредба со претходниот месец, а многу поповолна во однос на мај лани.
Просечното искористување на капацитетите на деловните субјекти во мај 2016 година изнесува 64.3% од нормалното искористување.
Најголемо влијание на ограничувањето на обемот на производството имаат следните фактори: недоволната странска побарувачка со 25.8%, недоволната домашна побарувачка со 16.7%, недостигот на квалификувана работна сила со 14.8% и финансиските проблеми со 8.7%.
Покрај градежниот сектор, преработувачката индустрија последниов период претставува носител на растот на македонската економија.