Во Солун големи протести против владините мерки за „работна резерва“

Добивај вести на Viber

Поради плановите на грчката Влада, до крајот на годината, да префрли околу 25.000 државни службеници во т.н. „работна резерва“, од каде ќе бидат прераспределени на нови работни места во државниот сектор или ќе бидат отпуштени од работа, денеска, во Cолун, неколку илјади вработени во органите на локалните самоуправа, полицајци и училишни чувари се собраа на протест. Како што јавува ИТАР-ТАСС, митингот започнал во време кога грчкиот премиер Андонис Самарас се обраќал на отворањето на овогодишниот Меѓународен саем во Солун, при што најави дека шесте години рецесија на Грција ќе завршат следната година и оти економијата на земјата ќе започне да расте. Специјални полициски сили не им дозволија на учесниците на протестот да се доближат до Саемот, па тој се одржа на друга локација. Солунските полицијаци кои учествуваа на протесниот митинг беа облечени во своите унифоми на кои беа закачени листови хартија на кои беа испишани нивните биографии. – На овој начин сакаме да покажеме дека зад униформите стојат конкретни луѓе со своите судбини - изјави претставник на полицискиот синдикат.