„ВОЈНА“ СО ФОТОГРАФИИ - Филипче објави слика на партиски состанок на ВМРО-ДПМНЕ без маски
Објавено во: Македонија 17 Октомври, 2020
Откако партијата речиси секојдневно го прозива за лошо снаоѓање во справувањето со коронавирусот, министерот за здравство Венко Филипче синоќа објави фотографија на Твитер, за која вели дека е Состанок на ВМРО-ДПМНЕ за барање одговорност од власта за коронавирусот, а на која се гледа како од над 20 лица присутни на состанокот, малкумина носат маски.
Ни Александар Пандов не носи маска. Тој го води Патриотскиот институт на партијата, а е во средината.
Таа фотографија всушност самиот Пандов ја има објавено на својот фејсбук профил.
Пандов се досега нема реакција за прозивките од министерот за здравство.
Состанокот, според фотографијата што ја објави Филипче, се одржува во затворена просторија. Како што е познато, постојат препораките да нема поголеми групирања од повеќе од четири лица, особено во затворени простории, со оглед на тоа што истражувањата покажуваат дека коронавирусот многу полесно се пренесува на тој начин, доколку не се носат заштитни маски и каде што има поголеми групи луѓе.
Потоа, пак, многу приврзаници на ВМРО-ДПМНЕ реагираа дека и состаноци на СДСМ се одржуваат без заштита, за што беа објавени и фотографии.
Реакции има и за автобусите кои се полни, а што споед опозицијата, е поради малиот број пуштен атобуси.
Неносењето маски на затворен простор се смета за еден од главните ризици за ширење на коронавирусот.